ياناس همي كبر
وحملي يهد جبال
امتى يهل الفجر
يما و يتحروا الأبطال
اعيدو لي إبني البطل
في سجون العدو اندفن
ما بدي يرجع
يوم ملفوف بكفن
اعيدوا لي جثمان
إبني الشهيد
هو قلبي وعيني
نجلي الوحيد
اعيدوا لي ابني
مهما كان الثمن
اشوف بعيني يا ناس
وانسي هموم الزمن
يما اوجعني طول
غيابك وهدلي حيلي
منين اجيب الصبر
وصبر وجع ليلي
ناطرة اعد ايام
والعمر مني يجري
شاب شعر رأسي
ويلي وانكسر ظهري
يما ذبحني الشوق
والبكي عمى عيوني
مشتاق اضمك يما
والله و آخذك بحضني
ما عاد للفرحة مكان
بقلبي ومكانك خالي
والله دنيا مالها
طعم بدونك ياغالي
روحي مسجونة جوه
نفسي والهم آسرني
اخاف من بكرة
يجي والموت يفتكرني
يارب ما تكسر
بخاطري وتحقق لي حلمي
يجي اليوم اللي
اشوف فيه ابني
الله يجور عليك يا
سجن شو عذبتني
خليتني اعيش بحسرتي
وأتمنى شوفة ابني
يا عدوي عمر السجن
ما غير احساسي بوطنا
يا عدوي عمر الظلم
ما اخر ثورة شعبنا
أسوار سجنك العالي
وجيشك ما يرهبني
فلسطينية أنا مرفوعة
راسي وفخورة بابني
جميع الحقوق محفوظة لـ أمد للاعلام © 2007 - 2026
