تاريخ النشر: 2016-01-13 | 19:14
لوحة للفنانة ناتاشا المعاني
تاريخ النشر: 2016-01-13 | 19:14
لوحة للفنانة ناتاشا المعاني
العَريس للعروس
والكلام للمَتعوس
مالَكْ إنتَ وساسَ يَسُوسْ
إتْصَوَّر سيلفي وإعمَل بوز
نَزِّل على فيسَكْ فيسَكْ
وإتحفنا بآخِر خَلابيصَكْ
أو فَتّه وخرّوب بالسّوس
العَريس للعروس
والكلام للمَتعوس
إدْحَشْ راسَك بين الرّوس
وإحكي يا غَسّال الرّوس
أُعصُر مُخَّك
غَنّي وإضحَك
على دلعونه وبالفدعوس
أُنشر فِكْرَك عَ البَلَكونَه
وأنفُخ خوفَك بالبَلّونَه
إن شالله نومَه بلا قومَه
أُنفُخ نَفَسَك أنفُخ صوتَك
أُنفُخ حَرفك أُنفُخ قَهرك
بس أمانه بلاش دَبّوس
للبَلّونَه بَعدين تِبْعَطْ
وأنا مِشْ ناقص كِلمتي تِفْعَطْ
براس أبو راسو كبير الرّوس
هادي نصيحة كاتب شارب
هَم وغَم ودَم وسوس
إدْحَش راسَك بين الروس
وإحكي يا غَسّال الروس
جميع الحقوق محفوظة لـ أمد للاعلام © 2007 - 2026
