بقلم / حسن عصفور
بين فترة والتانية يطل علينا بن نتنياهو بيبي ،شخص مسكون بالكراهية والحقد ليس فقط لأنه ليكودي بل هي نرجسيته والتي تحركه، طبعا أهلنا في غزة هالأيام صاروا بيعرفوا منيح مثل هيك ناس لأنهم عايشين فيها منذ اليوم الأغبر إياه، بيبي وعلى غفلة اجا وقال إنه بسلامة عقله مش حيطبق أي اتفاق سيتم بين أولمرت وعباس لما ينجح في الانتخابات مرة تانية، والشئ بالشئ يذكر بيبي نجح زمان مش بشطارته ولكن بفضل هدايا حماس أيامها..
بيبي طبعا بيعرف قبل أي واحد تاني إنه ما شئ حيصير ولا اتفاق ولا يحزنون وكل اللي ماشي هالأيام بينهم كلام في كلام حتى ما حدا يلوم حدا يعني لا ملامة ولا وجع راس وأكيد ولا نتيجة مادام الأمور مش متجاوزة حدود اللقاء، وعشان هيك أولمرت تحدى بيبي مين اللي بنى مستوطنات أكثر وخاصة في القدس، وبصراحة ورغم كراهيتي لبيبي أولمرت بنى أكتر ولسه الراجل شغال كتير وكل جلسة حكي مع أبو علاء في جديد استيطاني.. مش بس هيك ولكن الراجل بيقول ومش مخبي ومش خايف من حدا أن لا اتفاق مع الفلسطينيين، بيبي كبر عقلك وشوف شئ تاني أو تنتظر هدية جديدة من حماس بلكن.... ترزق..
التاريخ : 18/4/2008
جميع الحقوق محفوظة لـ أمد للاعلام © 2007 - 2026
