حرية التعبير ..

الحكي او المطالبه بحرية التعبير في غزه ليس تحت طائله العقوبات بقانون الجرائم الالكترونيه...غزه ليست ضمن الحدود الجغرافيه التي يشملها القانون لكن رام الله مشموله ..

حرية التعبير يا حماس وحماس هي الحاكم المتغلب الذي يجب اطاعته شرعا حسب فتوى السلفيين ...لكن وبحكم الضروره يجب على حماس تمكين الناس من حرية التعبير ..

شو يعني حرية تعبير ..

مثلا عدم الذهاب لصلاه الجماعه في القيظ..

السماح بالنوم بعد الصلاه ..

الذهاب للبحر لشرب الارجيلة..

تركيب مكيف زياده وتوصيله على الخط مباشره ..

شراء ملوخية ملقطه جاهزه ...

.

.اكثر من هيك حريات ما في ..

مطالبه بتحسين الكهربا وظروف المعيشه ممنوع احنا تحت احتلال

محاسبه المسؤولين عن الفساد ممنوع احنا تحت احتلال

انتقاد السلطه في غزه لتحسين ادائها ممنوع احنا مقاومه ..

في غزه الحكم زي اللي متجوز ٢ ...السلبيات كلها عل ضره ..

المؤسسات للسلطه وبالتالي كل سلبياتها عل سلطه والحكم لحماس ولازم نصفق له

لا يا عم الحج ربنا امر بالعدل ليله هان وليله هناك ..

حرية التعبير لا تنتقص من القيمه للفعل يعني اذا قلت طبخة المقلوبه ملحها قليل شوي هاي حرية تعبير لكن الطبخه زاكيه ..

اذا قلت حماس مقصره في توزيع الكهربا ولم تحسب حساب اشهر الصيف  وهلكت الناس في الحر لا يعني ان حماس مش مشوبه معنا ..

اما شماعة المقاومه هاي ماكوش حق فيها لما بتصير القصه كلها مقاومه كلنا معها لكن مقاومه خيار وفقوس كل واحد بالحق ربعه ..

المقاومه يا عم الحج غير السلطه وكل واحد حر في صحن السلطه بتاعه بده سلطه غزاويه بتحرق هو حر بده سلطه سدوديه هو حر بده سلطه قطريه هو حر حلو عن سمانا كمان الواحد صحن السلطه بطل حر كيف يعمله ...الله اكبر ...