حظّك السنة !!(خاص بالكائنات الحية في قطاع غزّة)

الحمل : تتعرض لأزمة نفسية واكتئاب حاد قبل نزول الرواتب أو بعد نزول بواسيرك الله أعلم . ينصحك الفلك بتعاطي المخدرات يمكن تنسى !!

الثور : تتلقى دعوة خاصة لحضور مؤتمر بالخارج .. ينصحك الفلك بتمزيعها مع فواتير جوال وشركة الاتصالات .. المعبر مسكّر حتى إشعار آخر !!

الجوزاء : أسباب كثيرة تدفعك للانتحار لا علاقة لها بغلاء الأسعار ولا بالسمك ولا بالمينا ولا بالمطار .. بعدين بتتذكر إنّك عايش في غزة .. يعني هيك هيك راح تموت عند أقرب انتصار .. في العجلة الندامة وفي رام الله الوضع بيصعب عَ أبو لهب !!

السرطان : تتفاجئ مع ساعات الصباح بسماع صوت انفجار .. بيطلع تفريغ هَوَا يا رعد يا انفجار داخلي يا مرتك مآكله فجل .. عليك بالكمون يا بتطلقها بالتلاتة !!

الأسد : دورك في الحياة انتهى صُف عَ الدّور .. الغاز والوظيفة والكوبونة بدها واسطة . بالنسبة للمستقبل ما تخاف هوا أصلا في هيك بلد في مستقبل يا أهبل ! !

العذراء : تواجهك مشكلات على الصعيد الأسري والمالي والاجتماعي والسياسي والحزبي والثقافي والجنسي والنفسي .. إوعَكْ تيأس وتذكّر دائما أن النصر صبر ساعة وسبع سنين ضايل ع زوال اسرائيـل !!

الميزان : بتفكر تهاجر بعدين بتحضر مسلسل المصالحة بعدين بتنعس بعدين بتنام بعدين بتصحى تفكر بالهجرة !!

العقرب : تُحاصرك الهموم وتُهدد بقلب الطاولة على الأعداء والأصدقاء .. تمرد فوع اغضب اطلع ع ساحة الجندي إعتصم إضرب أي والله لتآكل علقه تلتينها موت !!

القوس : الحظ سيكون حليبك هذا الشهر .. إشرب وإنسى شعارات الفصائل .. مع نيدو بس تنمو الأجيال !!

الجدي : تصرف لك الحكومة نُص راتب عصه ومصه اللي جاي أخرى مما تتصور !!

الدلو : لسانك حصانك .. إركبُه وإفكَح .. إيش مْقَعدَك في هالبلد !!

الحوت : بالَكْ مشغول هاليومين .. في دولة .. فش دولة ، في حرب .. فش حرب ، في تهدئة .. فش تهدئة ، في قبضة .. فش قبضة ، في كهربا .. فش كهربا ، في بيض .. فش جاج .. فش أختها من بلد .. وكل سنة وانت سالم !!