الحمل : تتعرض لأزمات تنظيمية وخلافات حزبيّة .. يا بتحلق دَقنَك .. يا بتحلقلهُم .. رقم الحظ (6) !!
الثور : تتلقى دعوة خاصة لحضور مؤتمر بالخارج .. ينصحك الفلك بتمزيعها .. المعبر مسكّر حتى إشعار آخر !!
الجوزاء : أسباب كثيرة تدفعك للانتحار .. بعدين بتتذكر إنّك في غزّة .. يعني هيك هيك ميّت بدري .. في العجلة الندامة وفي رام الله الوضع بيصعب عَ أبو لهب ..!!
السرطان : تتفاجأ مع ساعات الصباح بسماع صوت انفجار .. بيطلع تفريغ هَوَا .. عليك بالكمون الغامض !!
الأسد : دورك في الحياة انتهى صُف عَ الدّور .. الغاز والوظيفة بدهم واسطة يا فالح !
العذراء : تواجهك مشكلات على الصعيد المالي والاجتماعي والسياسي .. إوعَكْ تيأس وتذكّر دائما إنُّه الحياة مفاوضات .. واللجنة التنفيذية الله يعطيها الصحة ومشروب الطاقة !!
الميزان : لا تخاف من المستقبل .. أصلاً في هيك بلد هُوَّا في مستقبل يا أهبل !
العقرب : تُحاصرك الهموم وتُهدد بقلب الطاولة على الأعداء والأصدقاء .. إذا ما لقيت طاولة إقلب الطربيزة .. يلا إقلب !
القوس : الحظ سيكون حليبك هذا الشهر .. إشرب وإنسى قصتك حزينة .. مع نيدو تنمو الأجيال !!
الجدي : إن صَحلَّك نُص راتب إحضنُه ومصّه كلّه بيجييك يوم ما راح تقدر تشمّه !
الدلو : لسانك حصانك .. إركبُه وإفكَح .. إيش مْقَعدَك في هالبلد ..!
الحوت : بالَكْ مشغول هاليومين .. في حرب .. فش حرب ، في تهدئة .. فش تهدئة ، في قبضة .. فش قبضة ، في دولة .. فش دولة ... في خس فش بازيلا .. كل سنة وانت سالم !!
جميع الحقوق محفوظة لـ أمد للاعلام © 2007 - 2026
