خطتنا من 7 بنود أولها طعن اليهود

سبحان مبدل الأحوال صارت خطتنا من ١٠ بنود اولها الرواتب والنسب والتفريغات...
شعبنا مشغول طول الشهر نزل الراتب أيمتا الرواتب شو الشهر هاد قديش النسبه وعن اي شهر لبنوكه بدها تخصم ولا فش خصميات شو اخبار السلف طبعا في غزه اما في الضفه فالاسئله اقل حده واخف وطأه بحكم ان العقوبات على المحافظات الجنوبيه كما يطلقون عليها بدل قطاع غزه المنكوب...
فش غاز وصل الغاز وقعوا اتفاقيه الغاز حماس بتقول في غاز الازمه مفتعله والناس بيقولوا فش غاز نصدق مين معقول حماس بتكذب خافوا الله الناس كذابين بس بدهم شغله بعدين لشو الغاز هاد غازنا إسرائيل بتسرقوا وبتبيعوا لمصر والاردن..
في انتخابات فش انتخابات طلع المرسوم لا بس يرجع الرئيس ليش الرئيس وين الرئيس غادر بحفظ الله ورعايته ابصر وين بعدين شو خصك ليش تسأل عن الرئيس شو شكلك عميل...
محميات طبيعيه خلصوا طرق التفافيه واخذوا ما يريدون من الأراضي خلصوا الجدار واستولوا على ما يريدون وزياده...
خلصوا القدس... والاغوار على الطريق... تينت بدوش يقول للعالم بدنا الضفه كامله لأنها أرض إسرائيل بده يعمل ٧ محميات طبيعيه تستولي على نص اراضي الضفه المتبقي بعد كل الاغتصابات السابقه.. طيب حطوا الشعب بمحميات طبيعيه وخلصونا من هل قصه. ...
الغريب في الموضوع حماس بتعتقل صحفي وبتفرج عن رسام وبترجع تعتقله وأهل غزه مشغولين بالقصه ونسيوا الرواتب ولمسيره العوده والبلونات بيتمسخروا عليها قال رسائل حب لإسرائيل مشان تستعجل بباقي بنود التهدئه..
وشوفوا اخر فلم ابو الوليد خالد مشعل ينتقد اسماعيل هنيه على المشاركه في تشييع سليماني وبيحكيلوا بهدلتنا وبتفهمش الأمور مش هيك بتمشي...
على حال لازم نسأل العزيز المعتكف ابو مهند فكرك بترجع لبلاد وايمتا بدنا نحرر فلسطين...