طلاق ام خلع..

شو ممكن نسميه ما حدث بالامس ام ان ما كان لم يكن زواج رسمي بل مساكنه وكل واحد بيروح لحالوا يعني بيرجع الوضع الي ما كان عليه...
خلينا نوضح اكثر... الطلاق بيد الاحتلال فهم القوامون والعصمه والحل بايديهم ومن يمتلك القوه والقرار... الاحتلال اراده زواجا علي طريقته ولمنفعته ومصلحته ونزواته واشباع حاله الشبق عنده
الاحتلال لا يعرف العدل لا في الحياه ولا بين الزوجات الاحتلال مغتصب وقد اراد اضفاء الشرعيه علي المغتصبه حتي لا تصرخ في كل مره وتلم عليه الجيران اراد ان يقول بانه عصري ونيته صافيه بس هل زواج بدون تبعات بدون مصاريف بتشتغل وبتصرف عليه وعلي حالها بدون ولاد واذا حبلت للولاد الها ملوش علاقه فيهم... يعني كل ما اراده انهاء مشاكله مع قرايبها وما يرجعوا يطالبوه بحقوق ولا شرف ولا عرض بيروح وبييجي وبيركب وهو متطمن وعندما حاولت تغيير بعض البنود قال فش تغيير واعلي ما في خيلك اركبيه... لا في خيل ولا في جمال ولا عاد في صحه الصبيه الحلوه بعد ٢٥ سنه صارت عجوز والتعجاعيد اخذت من وجهها وعادت السمعه ملطخه وبدل ان تكون شريفه وصاحبه حق اصبحت سمعتها سيئه وتتهم في عرضها وقرايبها صاروا صحبه مع العرص وبينهم مصالح وعهر وليالي حمرا...
وما عاد فارقه معو طلاق او غيره..
المغتصبه اخذت تصرخ وتعود للصراخ ولا من يسمع او ينتبه حتي بعض الخرمشات اصبح تلام عليها عيب ما بيصير هيك الزلمه مش مقصر بعدين شو بدك اكتر من هيك حقوق بطاقات vip ومصاري ولولاد وهماله وسهر ولعب وكل شي تمام... كل يوم بتقولي مش عاجبني اذا مش عاجبك اخلعيه وادفعيله المقدم اللي دفعه والله معك...
يا عمي انا صاحبه حق وعرض وشرف وكمان بدي ادفع... يا ستي العقد شريعه المتعاقدين انتو هيك اتفقتوا اعترفتي انه ما كان اغتصاب وكان بالتراضي وانبساط ورقصتوا سوا بعد الحفله شو عدا ما بدا...
مبارح تم الخلع واليوم ما صار شي لا حدا انطرد ولا طلع صوت والامور سمن علي عسل هل ورقه مزعناها وخلينا صحاب وبالحرام احلي...
ورمضان كريم وبعد العيد والكعك بيصير خير...