الرئيسية مقالات

عباس دمر كل شيء إلحقونا

تاريخ النشر: 2016-10-03 | 13:43

+ Aa -

بنطلع من حفرة عباس بيدخلنا في بير يعني وكأنه مخرج دراما بيعطيه الاقتراحات لسا الناس قرفانة من موضوع حضورك لجنازة بيرس الظاهر بدك تغطبها بجدل جديد في قرار محكمتك بعمل انتخابات بلدية في الضفة وغزة لأ .. من بدري قلنا كل الانتخابات مش مطلوبة الآن ما دام في انقسام وانتا نازل شغال جزار .. فصل في الناس وقطع رواتب واعتقال اامعارضين وملاحقة الفيسبوكيين وكل يوم عامل مشكلة مرة في بيرزيت ومرة في جنين وبلاطة قالولك بالحرف العريض ارحل ... اذا مش عارف تحكم بلاش منو ما انتا خلصت شرعيتك من زمان لا انتا عارف تعمل مصالحة مع حماس ولا عارف ترجع غزة بالقوة ولا انتا عارف تعمل أي حاجة في أي حاجة يا عمي هادا شعب حاله تعبان وانتا سببتلو مشاكل يوميا وكأنك صرت في مواجهة مع الشعب بدل ما تكون في صف الشعب وانتا عارف هادا الشعب بدو قائد منيح بيفهم عليه مش زيك قاعد تعقد فيه.

شو قصتك يا عباس مزعت الشعب الفلسطيني تمزيع ... كل يوم مصيبة ... طيب بلاش انتخابات بلدية في الضفة كمان ليش بس غزة وعين تعيين ما هي انتخابات وإلا تعيين مش راح تفرق مادامك قسمت البلد نصين ... يمكن تعييين مجالس البلديات في الضفة ما بيكرس يكرس الانقسام .... ما ضل شيء سيء لذبح البلد إلا بتعمل يا عباس ... يا عمي انتا مشكلة البلد احمل عزالك وروح انتا شاغل الناس بمشاكلك ومضيع وقتهم في مواجهة الاحتلال ... عباس دمر كل شيء إلحقونا

الرابط المختصر https://www.amad.app/ar/post/127601 نسخ الرابط

للمزيد

عباس دمر كل شيء إلحقونا

ومات الولد…

فلسطين والسعودية وفاءٌ لا يتبدل وموقفٌ لا ينكسر

لا تُسقط الدولَ العربية أزماتها… بل تُسقطها حين تجعل المواطن يدفع ثمن فشلها

من الربيع العربي الى الشرق الأوسط الجديد !