تاريخ النشر: 2014-01-16 | 11:34
تاريخ النشر: 2014-01-16 | 11:34
**
مبروك على مصر الدستور
يا شموع الخير المليان نور
زغردي يا بشاير بالفرحه
على شعب النيل المنصور
**
مبروك وبقولها من قلبي
وبشوقي وأحلامي وحبي
ادهشتوا العالم يا حبايب
واهو بان الفرح المتخبي
**
مبروك للناس المقهوره
أدي رجعت تاني للصوره
وانتصرت شمس الحريه
فرحانه تغني ومنصوره
**
ملايين الناس بتغني نعم
على أحلى كلام وبأحلى نغم
وطيور السما مواويل فرحه
بترفرف فوق مع أحلى علم
**
واهي كلمه بقولها بصراحه
خليتوا الروح بساتين راحه
وكتبتوا تاريخ كله أماني
بزهور الشوق الفيّاحه
**
تسلموا يا رجال بكره وبعده
والراجل الجد يوفي بوعده
ويا بخت المصريين لمّا
ربّ التكوين يوصل سعده
**
جميع الحقوق محفوظة لـ أمد للاعلام © 2007 - 2026
