تاريخ النشر: 2018-12-22 | 19:20
تاريخ النشر: 2018-12-22 | 19:20
* في الادب السياسي الساخر : ( قصيدة بالعامية اللبنانية )
بحلِقِي كِلمتين
بَدي قُولُن
وابقْ البَحصَة
واحكي عَ الغلط
لَشو الحاكم ,,
مَهما كان ظالم
بالكرسي ملَزِق
ولو عُمرو فات
وصار مِيتْ سِنِي
***
بيخطُب بالناس
وما بيقدر يِحكِي
غير كِلمتين وبَس
وان شَد عَ حالو
تا يحَسِن قْوالو
شي من تحتو فَلَت
وبالآخر ضرط
ومن قُوة الريح
لبَاسُو فَرَط
***
وحاكم واحد تاني
ريتو ما كان
ولا بحَياتو جَاني
شِيخ قَعد عالكِرسي
وباسم الدين حَكَم
بيحكي إنو عادل
وما عُمرو ظلم
***
بيقول إنو مِسْتْعِد
عَشان الناس ...
يَوكِل زيت وزعتر
أو عَدِس وبَصل
ويربط عَ بطنو حَجَر
ويبلَع عَشانُن الزلط
لكن ما في شي,,
مِن حَكْيو زَبط
***
بيقول عِندو الحَل
وبيخلُط ما بين ,,
الزيت والخَل
شُو يَعني ,,,
عَقلو اختَل ؟؟
بَعِد ما جَوزوه
اربع نسوان
جِسمو ارتَخَى
وسِروالو انْحَل !!
***
يا ناس يا عَالَم
بدنا حاكم عَالِم
فاهم وشاطر
كاتب أَمَا شاعر
لِمهِم عِند الناس
بِشْعارات والدين
ما يفاخِر ولا يتاجِر!!
***
ما بدنا حاكم
يَقعُد على الكرسي
طُول الدَهِر
ويطُول مِنو العُمِر
ومنو يِنحِني الضَهِر
ويصير مَسخَرة
ومَضحَكِي لِلكِل
وشَعبو يِنقِهر !!
***
يا ناس ما عاد فِينا
كِلْ الوقِت نِنتِظِر
لَييجي حاكم
عادل وقادِر
تِيفُك الكرسي
من تَحتُن ,,,
ويبَطِل هالسِحِر!!
***
هالكِرسي يا ناس
صار مِتل الخازوق
وبَدنَا ناصر جديد
يِقلب هالكِرسي,,,
مهما لْقاعِد عَليه تِخِن
وكان أَتقَل في الوزن
من الملك فاروق !!
جميع الحقوق محفوظة لـ أمد للاعلام © 2007 - 2026
