مكسيكي يا نصيبي انا

وقعت قدامي هالورقة. اطلعت عليها لقيتها كلها مربعات مشقلبة ع بعضها ..اتذكرت فيها مربعات هالحدود العربية إلى بتجمعها بس هالرسمة الجغرافية. ما علينا المهم.. دققت يا جماعة الخير عليها بس عيني زغللوا من ألوانها المخربطة ع بعضها .. ما بعرف ليه اجه ع بالي ألوان لإعلام الدول العربية كيف بس نطلع عليهم عيونا بحولوا ومنفكر  كل علم من نصيب مين من هالدول.. و بالأخير منريح رأسنا ومنقول الوطن العربي ..

وإلا هالمكسيكي بمسك هالورقة و عم ببرطم وبحكي   .. والله وكيكلم اتخربطت الدنيا معي والساني اتعثرم بطلت اعرف احكي هو عربي والا مكسيكي والا أمريكي..بعد ما دماغي اشرتلي أنه مكسيكي جهزت هالانجليزي ..

بقلي المكسيكي هاي ورقة يا نصيب وهو حاسس حاله رح يربح و انه بس شافني اتفائل و رح يربح.. ذكرني بطموح وأمل الشعب الفلسطيني الي بستنی معجزة كونية لقضيته ...صرت اطلع حولي اتأكد انا وأين . ...قلت شكله هو عم بتعامل مع عرب لأنهم الله وكيلكم عدوه بالكسل والاعتماد علی الغير ..شو بدنا بهالسيرة ..الزلمة بطل يفكر إلا بس يجمع المصاري  .. بعدها ربح 6 دولارات الله وكيلكم زي كأنه ماسك مليون دولار ذكرني بحكومة حماس و كرم قطر وإيران الها.. ..بقلي انه هو محظوظ بس بده اساعده واختارله ورقة يا نصيب  لانه شكلي محظوظة زيه ... طيب المسكين من وأين جاب هالاحساس ..ما علينا  ..الله وكيلكم حسيت حالي اني حكومة امريكية والي قدامي عربي.. استهبلته ...واشرتله علی ورقة كل الي لمحت فيها أنها سادة بس فيها بقع رمادية .. والنكشة واين انه طلع بين أيديه 50 دولار ..  الزلمة انشكح وفرد حاله ذكرني بالفلسطنيين بس انشكحوا مشان دولة مؤقتة ...و النهفه وأين انه لحقني وصار يترجی في.. شوفيلي نصيب ثاني..  يابن الحلال حل عني أي لو في نصيب كان صار عنا ربح ثوري عربي من ورا لعبة الحظ والشكل المزيون العربي... بس بيني وبينكم شعرت انه العرب لساتهم بخير لأنه في ناس مثلهم يعني عايشين علی البركة وبركة غيرهم .. طيب كيف بدي أخلص من هالبني آدم صرت ادعي يارب هالمرة ما يربح ..ويا ولاد الحلال .. أوف.. ربح 100 دولار ... اضحكت صار معه مثل دول العرب الي عايشيين علی الاسهم والربح مثل البلون بتنفسوا  او بتنفخوا حسب حظهم السياسي بس المكسيكي لمسخمط مع مين مربوط .. هلا الاهم انه بعدين بالهشغله.. كيف بدي أخلص منه .. بقلي شكلك زينا مكسيكية محظوظة .. اضحكت .. قلت عنده حس عربي الزلمة بس ضيعلي فرحت الشعور بالوجاهة الأمريكية عليه وعلى لعبة اليانصيب .. بعدها قلت يا بنت اعملي فيه مقلب واتأكدي ..بجوز أصله عربي وانا مش عارف ماحنا بطلنا نفرق من واين اصلنا كل العالم مخربش  .. وطبعا بما انه انا هلأ اساس رزقته لازم اتحكم فيه .. قلتله انه في شخص اشتری 5 أوراق يانصيب ب 20 دولار الوحده.. وربح ملايين ..جرب يابن الحلال ..الله وكيلكم عمل زي ما حكيتله طبعا اتاكدت انه عربي الأصل  لانه ما فكر ولا لحظة تعال تعال روح روح . .... والمسكين خسر كل الي ربحهن . بس والله شفقت عليه بس أحبط وزعل.. ذكرني بهزيمة العرب وطبعا .هو عصب.. وانا اضحكت و هربت... قلت بلاش يعمل علي انقلاب عربي ثوري ويحكي أميركا حضنتني وبعدها رمتني ...