مناشدة عاجلة عبر " أمد" لعلاج الطفل عبد الرحمن

أمد/ غزة: أرسلت والدة الطفل عبدالرحمن محمد العلمي، اليوم السبت،  مناشدة عاجلة وصلت (أمد) مرفوعة الى أصحاب القلوب الرحيمة جاء فيها:

السلام عليكم ورحمة الله وبركاته .

وهذه مناشدة والدته لكل اصحاب القلوب الرحيمه علها تجد اذانا صاغيه .
طبعا الكل بدو يعرف شو مالو عبدالرحمن ابني .
عبدالرحمن محمد العلمي ذوالشهرين يعاني من مرض خطير ومهدد لحياة الرضع (مرض ضمور العضلات الشوكي #SMA
(Spinal Muscular Atrophy Type 1)
ابث لكم شكواي علي اجد من يعينني على مساعدة طفلي عبدالرحمن الذي ولد متل اي طفل عادي رزقني الله بطفل جميل كنت فرحانه فيه كثير وزوجي فرح به لكن الفرحه لم تكمل ولله الحمد كان الذي يراه يظن عمره شهور وهو عمره شهر لكبره ماشاءا لله تبارك الله كانت صحته ممتازه وكنت مبسوطه متل اي وحده على اول ابن الها وطبعا بتكونوا عارفين متحيرة شو تلبسو وشو تجيبلو والحمدلله ف يوم روحنا دكتور لعملية الختان (تطهير) نصحنا الدكتور لازم ينعرض الطفل على دكتور اطفال يشوفو بالاول وروحنا على دكتور اطفال حكالنا عندو بلغم على صدرو وان شاء الله بصير منيح واستشرنا دكتوره تانيه وحكت الولد كتير رخو حكت ما عندنا علاج للاعصاب حاليا وطلبت منا نشوف مستشفى متخصص للاطفال وروحنا لمستشفى لطيفة _ دبي دخلنا المستشفى على امل انو نطلع في نفس اليوم او بالكتير تاني يوم ولكن اول ما دخلنا المستشفى في 17 اكتوبر 2017 ضل 5 ايام وضل على المحاليل التغذية وتحت المراقبة 3ايام وبعدها دخل العنايه المركزه وضعوا له انبوب بفتحة الانف اليسرى للتغذية وانبوب للحنجرة وموصول بجهاز التنفس الصناعي طلبوا للولد تحاليل الجينات وتم ارسالها للمختبر في ألمانيا وعلى امل كنت انو ما يكون عندو مرض بالجينات (لانو انا وزوجي مافي قرابة عائلية) وكنت ادعي واصلي ليل نهار انو ابني يكون سليم ونتنظر 3 اسابيع لكن للاسف طلع مريض بمرض ال SMA
تم اكتشاف العلاج فقط بأمريكا ولكنه مكلف جدا 750الف دولار بسنه الاولى و 375 الف دولار بالسنة التانية واحنا امكانياتنا ما بتسمح نعالجو.
ف انا اطلب منكم الرجاء ك أم ان توصلو رسالتي لكل من يقدر ان يتكفل بتكاليف العلاج من القلوب الرحيمة.
عبد الرحمن ابني الاول ابني وما بتتصورو كيف اشوف ابني يبكي وهو مستيقظ كانه يخاطبني ويقول بدي اعيش متل اي طفل عادي.
يبكي وكأن قطعة في داخلي تحترق عليه 
ارجوكم طفلي عبد الرحمن لازم يعيش 
ارجو من الجميع ان يتعامل مع هذه الرسالة بالقلب اولاً وبعدها العقل 
واي أم كانت لتفعل اي شيء لانقاذ حياة طفلها الرضيع. مابدي ابني يروح مني وانا مكتوفة الايادي. لازم يعرف انو اهلو حاولو وطرقو كل باب وعملو المستحيل ليحافظو على حياتو.

ابنتكم / Nihal Younis