نتائج

في يوم الجمعه الأول من رجب ومن السنه الميلاديه الجديده ما هي البشائر وبماذا نتفائل وما هي المؤشرات ...

على الصعيد الدولي بعد كم يوم داخل علينا ترامب بعدما أجرى العقد بشروطه ورح يلعن ابو لمنيح قبل الردي ..

ومن المؤشرات عودة داعش انطلاقا من أمريكا وكل واحد يدبر راسه ..

ترامب بيقول ما في شي ببلاش والدواعش هيهم في أميركا شو نعمللكوا...ادفعوا بنحميكوا ..

أوروبا بدون غاز ودرجة الحرارة في السويد ناقص ١٥ والمفاعلات النوويه مش شغاله واذا طفت الكهربا ساعتين بنصير لوح ثلج ..

ارتفاع أسعار القهوه بنسبة ١٠٠% والهيل ٤٠٠% واللحمه ١٠٠% 

في الميدل ايست الجديد ..

مفتشين أركان(اسرائيليين) في مطار بيروت يمنعون طائره ايرانيه عليها دبلوماسيين يحملون حقائب دبلوماسية من الدخول دون تفتيش..الحقائب فيها مصاري ..

وزيرة خارجية المانيا بربوك ووزير خارجية فرنسا وصلوا قبل الضو على دمشق ليلحقوا يشوفوا الشرع الدور طويل لو تأخروا شوي بدهم اسبوع ليلحقهم الدور..

تدمير المفاعل التجريبي في حلب ومركز المختبرات في غاره اسرائيليه نص الليل اهتزت لها الارض السابعه وما حدا حس 

الكل نايمين او مشغولين بشي ثاني ..

في الأردن تعيين مدير براتب ٤ آلاف نيره ورفع اسعار الكهربا والبنزين والديزل والاتصالات مشان يدبرولوا الراتب ...

والشعب مبسوطين على دولة الرئيس رايح عل جيم من الصبح بدون موكب شوف التواضع ..

في السلطه اتشاطروا عل جزيره وسكروها و٦٣٠ مستوطن قاعدين بيتبطحوا في ساحات الأقصى على اساس بيصلوا وهم بيتناكحوا عينك عينك ...اه القدس مش مع السلطه المقدسات تحت الوصايه الهاشميه ...عادي 

.غزه بديش أنق عليها اللي فيها بيكفيها بيقولوا في مخاض بدون طلق بلكي تزبط 

في تركيا...ليلة راس السنه طلع اكثر من ٢ مليون في اسطنبول نصره لغزه وظلوا للساعه عشره ثاني يوم وكاتس بيقول يخلف على تركيا لولاها متنا من الجوع بعد ما سكر الحوتي الطريق على رأي صاحبي الشروقي شي ما بيشبه شي ...

السعوديه تستقبل ٣ إرهابيين كانوا قبل اسبوع مصنفين هيك واليوم وزير خارجيه ودفاع وأمن قومي مين امر السعوديه لتستقبلهم وهي لم تفتح ملفات ال ٢٠ بعد السعوديه معروفه بالتاني كيف هيك ثاني يوم وعل رياض ٣×١.  زي نسكافيه..

حصاد اليوم ما زال متعثرا اصداره كان لازم يصدر في ال ٢٤ وهي دخلنا ال ٢٥ ومش محسوب حسابه في ال ٢٥ ...

هذه مؤشرات القراءات الحيويه لل ٢٥ ..

وما عملنا لا فحص بول ولا .....

لسه لنشوف باقي النتائج ..