وحدة الساحات.. يا مسهل لا تعسر 

كنا نسمعها كل صباح ممن يتابط صره يحمل فيها زوادته ويخرج طارقا باب ربه باحثا عن رزقه متوكلا لا متواكلا..

قلنا يا مسهل عندما سمعنا هذا الشعار وحدة الساحات في المقاومه في التصدي في الاعداد   واذا بها وحدة الساحات في الصمت والهدووووء والتمكين وقمع الحريات وانتظار نتائج المونديال مين رح ياخذ الكأس..

وحدة الساحات يوم كانت غزه تتعرض للعدوان يقف الكل مطالبا بنصرتها ودعم صمودها..

اليوم جنين تتعرض كل صباح لابشع عدوان وانتهاك وتصفية المقاومه على قدم وساق ولا يكاد يمر صباح دون سقوط شهيد واكثر يتبعها نابلس او الخليل او طولكرم ..

 ولا نسمع من غزه الا صوت انفروا خفافا وثقالا أثبتوا...غزه ترسل رسائل شو ما صار احنا ساكتين واذا حدا أطلق صاروخ بيكون تأمر على صمود غزه ونظامها الوطني ..

غزه بتقول لجنين نناصركم بالدعاء وسيد المقاومه بيقول معكم من خلف الشاشات سامحونا مشغولين باطفاء نار الغدر والتامر في شوارع طهران ...وبشار بيقول ما زلنا نعمل على بناء التوازن الاستراتيجي ..

شو هل وحده وشو هل ساحات طيب من اول احكوا كل من ايده الو ويدبر حاله لشو هل جر الي مستنقعات وإطلاق الشعارات الفارغه ..

تصفية المقاومه وحرب السور الواقي بلة هواده ورام الله تضحك وتنسق وتتامر وتقول شوفوا هي غزه اللي ذبحتونا فيها اللي بيحكي وبيجيب سيرة المقاومه خارج إطار حماس بيروح ورا الشمس وكنتوا شاطرين تسبونا بس ... 

وحدة الساحات في التصفيه هيك بنبصم بالعشره وحدة الساحات في التأمر والبحث عن المكاسب والغاز..

وحدة الساحات في التبرير والثرثره وانتظار القادم وتصاريح العمال ...

اللهم اني صائم بديش احكي صار كلامنا ثقيل زي الزيت العكر بيغم عل قلب وبيقلب المعده ..