خطر "الإرهاب اليهودي" بدأ يطل برأسه في 48، وهدفه الأساسي "قيادة الجماهير العربية"، دون تمييز بين اسم واسم، أو كيان وكيان

ياسامعين الصوت..!

ياسامعين الصوت..!

تاريخ النشر: 2018-01-03 | 15:29

يا سامعين الصوت. يا موحدين بالله . 
صلو على النبي وزيدوا النبي صلاة..
واسمعوا وجعة قلب..من هالشعب... مالو حدن.. مالو سند يرعاه
الا عظيم في السما لاينسى مين يدعاه..!
ياسامعين الصوت..
مابدي أحكي نثر بطلت مراجيلو...
ولا أقول الشعر بعد الشعر ما تاااه
حقول كلامن صعب .. بلغوة شوارعنا ..
عن حال ضيم وكرب 
بنعيش حصار جواه..

كان المنادي زمان ...ينادي على صبيان.. ضايعين في حارتنا 
يامن شاف.. يامن أري ...
وانا بقول كمثل ..
يااامن شاف يااامن ارى .. في حال خرا بيمشي ورا
شعب تايه ما بين حربين
وطن ضايع من ميت سنا ..
وكمان قبل.. كان الهوان ..كان العنا

كان الهوان تركي واسمو اسلامي
مهرة وسخرة وشنق .. وقعدة خازوق حامي
وياما حكالي التاريخ .. عن المجاعة طوت اسيادي واعمامي 
ولسه واحد مغفل بيقول :
ادعوا لسيدنا الخليفة انه يطول عمره 
حتى ولو كان الدعا في حفل اعدامي..!!

ياسامعين الصوت ..
طلبوا مني قصيدة ...للقدس سيف ماضي 
ف خمس دقايق احررها ...وارجع اغراضي
بس انا بطلت ااامن بالكلام وتمجيد في الماضي
بطلت ااامن بالمعلقات الماجدات في حضرة القاضي
بطلت ااامن الحكي من مسئولينا الكذابين ..
وتصريحات وتلميحات نرجس على ياسمين
عن الحلول الاصول ومفاوضات مفتول.. وشعب يكون راضي
انا كمان بطلت اصدق حكي ..
عن الكفاح جديد وعن نضال بعيد 
ويرحم احمد سعيد... تجعجع على الفاضي

أنا شايف.. 
كله بيضحك ع كله والخلق عايمين
يعني المقاوم زي المساوم...
شاطرين برم قبل العصر نايمين..
والناس ( من كام سنه واحنا هنا )..!!
والحالة اسؤأ من يوم ماكنا ع البحر شاردين
وتلاقي سحيج الفصايل ..
بيهتف : غزة ارض العزة.. مابتلين
وين العزة يابو العز ..؟!
وكهربتنا ربع نهار ..تقطع توصل ومغلبنا هالتيار 
انت عارف انا يتامى.. ومن عدونا مخنوقين ؟! 
ياسحيج وياطبال ..
تعبت غزة .. اندبحت غزة..
وحياة الله ..عيشة ذل ومالها طعمة ومالها لزة
ولسه بتهتف .. ارض العزة ومابتلين؟!

اضربنا في وعد بلفور...
وتظاهرنا في ذكرى الميه
كل واحد جعجع بالدور
حررنا الاقصى ومانسينا لاحيفا ولاسهل الغور
لكن صحينا في بحر طحينة 
لقينا الحل ف صفقة قرن
بس الصفقة تحت الشور..!

سنة والقرن بيتستوى وبيترستك وناس تتكتك وناس تتحكحك 
وناس تحلل وناس تعلل وناس تشرط وين ماتروح
لو حد قال روحو ع سينا اوعو منا حد يروح..
ترامب الطيب جاي يطبب حق مجروح
جاي مخصوص للسعودية .. يحل قضية 
وبعدين عند الجد ..يبوح!!
قلنا ياناس : بس السمع مش زي الشوف 
ترامب اخينا سكران طينة والنسوانجي منه خوف
نسيبه يهودي ..واسرائيلي .. تصريحاته ..تويتراته الهم (توف) 

قالوا :لا انت غشيم .. وف السياسة مالك ياخو
هو برجعهم للدوغري وبيلين نتنياهو 
زي ماسيدنا موسى .. رجع قومه ياللي تاهوووو
قلت:طيب والسفارة ؟ 
قالوا :لا.. مجرد غارة!
واللي بناضل بالو طوووووويل
وشوية أعلن الرب ترامب علينا الحرب
نقل سفارة يا أهل الحارة
والقدس عاصمة اسرائيل..!

قبع الصوت عربي اسلامي من ماليزيا لحد النيل
لعلع صوت التصريحات ..
استنكار من قاع الدست .. وتنديد نووي مالو مثيل
ويل الموت...
خللي سلاح الاحرار صاحي وخلي الدم الحامي يسيل
ياقدس الاقصى ..كلنا فداكي
يسقط مشروع الكنتاكي... وعن الاقصى مافي بديل
فعنا جمعة أبو ثريا
وكمان جمعة أخف شويا
وثالث جمعة ماسخنت ميا
نامت ثاني...والوحوش صارت زغاليل 

ايش نعمل....؟!
ايش نسوي....؟!!
وحبل الحل اتعقد خالص ارضي وجوي
عقدوا مجلس أمن..وفيتو.. خلا العالم اوف سايدات
عقدوا جلسة للجمعية.. وهتلر هدد بالمجاعات
لكن فزنا .. وجبنا اصوات 
بس ياخسارة الفرحة ماتمت
قرار ع الدفتر ..زي الميت مع أموات..!

طيب ...عم ابو شادي ياعادي 
ايش ااخرتها ..؟! 
ايش الحل ..؟!
اسمعوا ... قدامنا حل من اتنين 
قدامنا حل من حلين 
يانتصالح جد والحد ع الحد..
شعب واحد ع قلب واحد وعلم واحد وسلاح واحد وهدف واحد ووطن واحد
نتحدى بوحدتنا الوطنية غرورترامب..
ننزل كلنا زغار وكبار... 
نقود الشارع ..نولع كل الدنيا نار... ع الحدود وع المستوطن وع الحواجز ليل نهار
صح حيروح منا الوف .. 
زي ماراح ميات الوف
لكن بالدم ..حيصحى العالم غصبن عنه
ونرامب يحس انا مازلنا ..اصحاب حق
مافي الا يقوم الشعب بكل هيجانه
والحزان مش ممكن يفتح من غير دق!!

يا اما نسلم كل دفاترنا ونبصم كلنا مبطوحين
يحيا ترامب ويحيا حله ..ويحيا شرع المحتلين
ونرفع راية الذل البيضا ...
بدون تجعجع او تسكين 
وتروح القدس ورا غرناطة...
وزي ماضعنا يكونوا ضايعين...
وبكرة تضيع مكة وغيرها
سكة تودي وزمن يعدي وناس رايحين 
والاسلام حاله يبكي ...
لاعرب نفعوا ..ولاتجار الدين نافعين!

يامين شاف يامين ارى..
وطن ضايع من ميت سنة
وشعب ينين 
من محتل ومن ملاعين
الله يعين 
شعب تمزع... ووطن توزع للناهبين 

الله يلعن كل منافق ..دجال.. بايع
واكل شارب ... بدو يحارب 
وع القدس رايحين ..شهداء بالملايين..!
وشعب بيلطم :وووينها الملايين؟! 
ااااه
الله يسخط كل حكامنا .. وكل كبار المسئولين 
اللي باعونا وبيبيعونا وعود هيروين
قولوا ااامين

×
أخبار
الكرملين: لقاء بوتين وترامب كان "جيدا جدا" وتناول الأزمة الأوكرانية جيش الاحتلال يكشف: العملية العسكرية وسط قطاع غزة جرى تنسيقها مع واشنطن ترامب يدرس توجيه ضربات جديدة ضد إيران وسط ضغوط إسرائيلية انطلاق فعاليات منتدى أبيك الـ33 وسط ترقب لقمة تاريخية بين شي وترامب وبوتين ولي العهد السعودي بن سلمان يبحث مع قائد سنتكوم التطورات الإقليمية تقرير: ضابط تلقى معلومات حول "الرشى الانتخابية" المزعومة التقى نتنياهو قبل إحالتها بيوم جيش الاحتلال يعلن توغله في النصيرات: عملية لأيام بالتنسيق مع واشنطن "إرهاب يهودي" في كفر قاسم: 8 مصابين بينهم 3 نساء بهجوم دهس نفذه يهودي إسرائيل في حالة تأهب قصوى وتترقب قرار ترامب بشأن إيران ونتنياهو: لا مفر من الحرب أردوغان: تركيا لن تصمت تجاه الظلم الإسرائيلي ضد قطاع غزة برايس يدعو إسرائيل إلى "تحول جذري" في سلوكها بغزة والضفة ويرجّح عودة "حل الدولتين" رويترز: رئيس الموساد ضغط على أمريكا لتوجيه ضربات مشتركة لإيران محكمة دولة الاحتلال تمدد اعتقال الطبيب حسام أبو صفية لـ6 أشهر دون تهمة اللجنة الرابعة بالأمم المتحدة تعتمد ثلاثة قرارات بشأن الأونروا والمستوطنات جيش الاحتلال يستهدف نحو 27 ألف دونم بإخطارات تخصيص لرعي المستوطنات منذ مطلع العام الجاري ساندرز يعلن دعمه لكريس فان هولين بزعامة الديمقراطيين في الشيوخ سانشيز يحذر من "تطبيع الحرب" ويدعو لتعددية قصوى لتجنب كارثة عالمية مدير المخابرات الوطنية الأميركية: التهديدات القادمة من إيران زادت بشدة حكيم جيفريز أول أسود في تاريخ أمريكا رئيسا لمجلس النواب الكنيست يصوت على إلغاء قوانين الانقلاب على جهاز القضاء بعد لقاء بينيت ونتنياهو... قادة المعارضة: متفقون على حكومة برئاسة آيزنكوت استمر لنحو 3 ساعات: بينيت يلتقي نتنياهو بدون علم آيزنكوت والليكود يدعي أنه "إحاطة أمنية" نزوح عائلات وتوغل لدبابات الاحتلال وسط قطاع غزة تزامناً مع عملية عسكرية وقصف مدفعي أزمة المأزق الأمريكي الإيراني: ضغوط اقتصادية متبادلة.. جمود دبلوماسي.. ومخاوف من استئناف القتال قبل الحل اتهام إيرلندي بتخريب طائرة عسكرية أميركية قيمتها 60 مليون دولار “ف. بوليسي”: حرب إيران أنهت عهد تدخل القوى العظمى في الشرق الأوسط بولتيكو: المفوضية الأوروبية تتحرك في الشرق الأوسط..وتل أبيب لا تزال تغلق قناة كالاس مفاجأة نتنياهو ..مقترح جديد لحكومة "وحدة" والتقاسم مع آيزنكوت الخارجية الفلسطينية ترحب بإعلان حكومة أستراليا فرض عقوبات على منظمات وأفراد إسرائيليين الصحة: ارتفاع ضحايا الحرب العدوانية على قطاع غزة إلى 74,710 شهداء

جميع الحقوق محفوظة لـ أمد للاعلام © 2007 - 2026

✔ تم نسخ الرابط