يا عامل بيحتفلوا فيك

يا عامل بيحتفلوا فيك
يا عامل بيحتفلوا فيك
تعال اتفرج على الجديد
اسألهم عن تاريخ العيد
لمين التهليل بالتحديد
هم نسيوا انك جالس سنين
الك اجازة ومهرجان كبير
ما انت نايم وشو عليك .!
عارفك زعلان ويائس من هيك
معذور وما بقدر اطالبك .!
صار حلمك شغل ولو في بطالة
شهر شهرين ثلاثة بعد العمر
كله معدي وصار بيوكل في بعض
الشعب الصبور و الصمت القبور 
حكام وحكومات واحزاب وحركات
كلها بتغنى ليك يا مسكين .!
ما دعوك ولا بيوم ولا رحبوا فيك
صراحة موت و دل ناس ما يستحيوش 
خلاص اعمل ثورة وقول بدنا نعيش
شو يعني بدو يصير اكثر من هيك
حياة تخبيص وكلها لؤم وتشريد 
بتصوروا عنك وانت في البيت 
بوخدوا اجازات وانت مش محسوب 
مأجز ومأجر كل الطوابق للغير
عجباك الفرشة وصار بدها تغيير
لا مش وجه وبكفينا قناعات مثلهم
اتعودا يلبسوها وقت الاحتفالات والنصر
وما أخبرك على الاقلام كلها بتكتبك صدق
زعلانة مثلك ويا عيني عليك ما حد رحمك
عارفك نفسك يفتكروك بشيء يسد جوع اطفالك
الشيكات من الشئون بتتأخر وانت لاجيء
بتنتظر يوم كابونتك لتستلم التموين 
طحين وعدس وزيت وما بدنا ننسى السردين
ناس توكل من البحر مباشرة وناس تتعلب 
أما دنيا مسخرة هاي وبدها فعلا تتشقلب 
والغريب بقلك احنا بناضل من اجل التحرير
قلت يا فرج الله وقربت تتحرر فلسطين من الصادقين
ما تصدقوني كلهم كذابين وبمزح وبتمسخر كثير 
اليقين بده رجال ليصبح حقيقة مش غربال وشوال
شمسنا غير شمسهم وقمرنا غير قمرهم واحنا احرار
بكرامتنا وعزنا وفخرنا وما بنقول بدنا حتى دولار
ولا شوية سولار وملايين تتوزع حسب الأدوار وكله بالدور
كشوفات المساجد والأمير وهو وحده يرضيك ويسكك الغفران
ما تحدثني عن الامن والامان وانت خليتها خل من حكم الشيطان