أمد/ لماذا الزعل عند المواجهه بالحقائق ولماذا العنفصه والعنطزه والفشخره ولمرافصه ..

هذا السؤال لمن كان طوال عمره ينادي بالعروبه وبالاسلام والمسلم للمسلم كالجسد والعروبه امه عربيه واحده وان الاستعمار ملعون والدين هو من قسم الامه في سايكس بيكو واخرج فلسطين منها لتكون وطنا قوميا لليهود ..

هل فلسطين كانت جزء من بلاد الشام ام قطعه متقدمه من قبرص او اليونان ..

هل سمعتم بالقدس والاقصى 

هل في غزه قرايب او اصهار او صله دين او دم او جوار لكم ..

اما من لا يعتبر غزه جزءا او قريبا او ذات صله فهذا لا يعنيه الامر من قريب ولا بعيد حتى انه ليس اخا في الانسانيه بتلاقيه خاضع لعمليه تلقيح من حجش ..

غزه كشفت عورات الجميع وكشفت مواقفهم واكاذيبهم وقدراتهم 

وكل شعاراتهم وندائاتهم وتلاواتهم وصلواتهم وادعيتهم ...غزه ليست فيلم ولا ذكاء اصطناعي ولا كذبه كبرى .. غزه واقع مرير تتجرعه كل صباح على يد عصابات الصهاينه ألمجرمين الذين يستقبلون في عواصم العرب وترفع اعلامهم على السفارات .  

غزه قدمت ما يقرب من ٢٠٠ الف وما يصل الى ١٠% من سكانها و٩٠% من مبانيها و١٠٠% من بنيتها التحتيه والفوقيه ...

والكل يتفرج . .

شو الفايده ان نقول لا للعدوان نشجب ونستنكر ونلعن اخت اسرائيل شو الفايده نطالب المجتمع الدولي واحنا مش مطالبين حالنا شو الفايده ان لا نوجه رساله ضغط واحده لاسراىيل ونرسل فرق للرقص لتهتف للحكام شوية خجل مش معقول ...

طيب بالامس قمه مشكوره ٣ قاده 

الرئيس السيسي والملك عبد الله  وماكرون ....حكوا مع ترامب وطالبوا اسرائيل بادخال المساعدات .  المساعدات جزء من القصه وليس كلها لكن خلينا في المساعدات لو توجه القاده ال٣ الى رفح وطلبوا من الف شاحنه يحميها عدد من الدبابات والجنود وطيرات الهيلكبتر فوق رؤوسهم المرافقه مع شوية جرافات وهدموا الجدار الذي بنته مصر ودخلوا الى غزه او هددوا بالدخول ...هل ستبقى الامور على حالها مثلا ...

غزه منطقه محتلا وليست اسرائيل حتى لا يقال هذه الدول هاجمت اسرائيل في ٧ نيسان بما يشبه ٧ اوكتوبر وتهاجمها اسرائيل وتحتلها .  .

مجرد مثال وليس اكثر ...

طبعا رح يزعل البعض ويقول احنا مالنا خلي السلطة الفلسطينية التي تقتل الفلسطينيه تزحف على غزه 

اذا بتقلهم اطلعوا مظاهرات مليونيه بيزعلوا اذا بتقولهم  اعملوا اعتصام عل جسر بيزعلوا اذا بتقلهم اقطعوا العلاقات بيزعلوا اذا بتقلهم سكروا الطريق بيزعلوا ...

حتى الناس والاحزاب صاروا يزعلوا اذا بتقولهم شو عملتوا كمان صاروا يزعلوا ...

طيب شو بدكوا ...بدكو نخرس وما نحكي .. اكيد اه ..