بالفيديو.. شعبان عبدالرحيم في أغنية جديدة: «السيسي راجل دكر وتفكيره مبتكر»

أذاع عدد من القنوات الفضائية، مساء الأربعاء، أغنية جديدة للمطرب شعبان عبدالرحيم ينتقد خلالها أداء حكومة الدكتور حازم الببلاوي، رئيس مجلس الوزراء، بينما امتدح، في الوقت نفسه، الفريق أول عبدالفتاح السيسي، القائد العام للقوات المسلحة وزير الدفاع والإنتاج الحربي.

ويفتتح «عبدالرحيم» أغنيته، التي كتبها إسلام خليل، بقوله: «بقينا ع الحديدة والناس تعبانة موت.. عايزين حكومة شديدة ماتخفش وليها صوت.. الشعب عاوز حكومة تحميه وتقوته.. مش ناس بسلاح وشومة سايبنها تموته».

وأضاف «عبدالرحيم»: «فيه ناس قاعدين يخونوا الشعب ويقسوا عليه.. عشان حكومتنا نونو مش عارفة بتعمل إيه».

ولم يغفل «عبدالرحيم»، في أغنيته، الحديث عن الدكتور محمد البرادعي، النائب السابق لرئيس الجمهورية للعلاقات الدولية، واصفًا إياه بـ«غدّار»، موضحًا: «ياما قلنا ع البرادعي غدّار مالوش أمان.. وبيلعب لعبة جامدة لحبايبه الأمريكان».

كما غنى «عبدالرحيم» ممتدحًا «السيسي»، بقوله: «دي مشاعري ودي أحاسيسي والكل بعينه خاف.. لو كله زي السيسي إحنا ماكوناش نخاف.. دايمًا تفكيره مبتكر والناس كلها عاشقاه.. صحيح ده راجل دكر والشعب كله وراه».

ورفض «عبدالرحيم» المصالحة مع جماعة الإخوان المسلمين، مضيفًا: «ناس مالهاش ملامح أشباح في كل عصر.. قال إيه عايزنا نسامح اللي قالوا طظ في مصر»، مستعينًا في الفيديو بصورة للمرشد السابق لـ«الإخوان»، محمد مهدي عاكف، والدكتور عصام العريان، نائب رئيس حزب الحرية والعدالة، والدكتور محمد البلتاجي، القيادي بالحزب نفسه.

وعاود المطرب الشعبي انتقاده للحكومة، بغنائه: «يا حكومة فيكي وفيكي، وماشية كده بالزق.. الرحمة الله يخليكي الناس خلاص هتطق.. الجامعة بقت ميدان والطلبة نازلة حروب.. وهيبقى الامتحان مولوتوف وإزاز وطوب».

ونقل «عبدالرحيم» دفة انتقاداته لمقدم برنامج «البرنامج» على «c.b.c»، باسم يوسف، قائلًا في أغنيته: «مالكمش رأي حاسم وناس فيها العجب.. ما كفاية علينا باسم وقلة الأدب.. فيه ناس إيديها مرعوشة نايمة ومش عايزة تبص.. وناس كتير مرووشة ماسكة العصاية من النص».

وتابع: «وحياة حزني وجراحي ودم كل شهيد.. الشعب كله صاحي وهينزل من جديد.. اسأل يا اللي أنت ناسي مين هما المصريين.. من العدوان الثلاثي حرب تلاتة وسبعين».

كما خاطب «عبدالرحيم»، الرئيس الأمريكي، باراك أوباما، قائلًا: «يا أوباما اللعبة اتفقست والمستخبي بان.. فهم قطر حبيبتك وعقل أردوغان»، واختتم أغنيته بقوله: «بمعونتك هتلاعبنا لأ طظ فيك يا عم.. خليها معاك وسيبنا وخلي عندك دم لو كان فيه عندك دم».