تاريخ النشر: 2017-11-15 | 11:17
تاريخ النشر: 2017-11-15 | 11:17
علشان خاطرك يا ختيار
بنعشق الوطن والديار
بدنا نضحك و نفرح
فرحة الإستقلال
ونبشر الختايره والعجايز والأطفال
بأن الوطن وفلسطين فلسطينا
وما عمرنا بننساها وايش ما صار صار
ولا تهمل هم يا ختيار
بدنا نقمبز ع الطريق
ونغربل القرن اللى مضى
ونشوف مين العدو ومين الصديق
ونقول للغربال
غربل ... غربل
غربل يا غربال
كل اللى مروا
واللى ظلوا
ع البال
ونقيهم يا غربال
من اللى خانوا
واللى أحوجونا للسؤال
غربل يا غربال غربل
واطرد من قلبك هالزيوان
ودير بالك يا غربال
على الحبايب
وامسح دمع
عيونهم
وما تخلي
الفرح يفوتهم
وناديني يا غربال
تلاقيهم
وأُقبل عيونهم
واطفى جمر قلبي
اللى ببعدهم
أشعل النار
ونادي يا غربال
نادى ع القمر
ونجوم السما
وشمس النهار
واشهدوا على
حبي ليهم
ولفلسطين الموال
وللعتابا والميجنا
ولظريف الطول والغِزَيّل
وللدحية والدبكة الفلسطينية
وقول يا غربال
ميل يا غزيل ميل
ميلك ميوله
قيلك قيوله
نعملك فنجان قهوة
وسلطة وتبولة
ميل يا غزيل
نطعميك زيت وزعتر
ونسقيك الشاي بمرمرية
ونام يا ختيار نام
واطمئن مية بالميه
الجنين والجنينه برحم الأم
بتقول
بتقول
بتقول
أنا أنا
أنا فلسطينية
وكل عام وأنتم بألف خير يا فلسطينيه ويا كل الشعوب العربية...
جميع الحقوق محفوظة لـ أمد للاعلام © 2007 - 2026
