ماذا كتبت بسمة بوسيل في اعتذارها لـ"الفنان" تامر حسنى

اعتذرت بسمة بوسيل لزوجها النجم تامر حسنى بعد الأزمة التى مر بها الثنائى خلال اليومين الماضيين، حيث علقت بسمة من خلال "ستورى" حسابها على إنستجرام قائلة: "فعلا اتهورت بس علشان بحبك.. آسفة"،

وكان تامر حسنى كتب عبر حسابه بموقع إنستجرام: "بسمة حببتي للأسف إنتي مفكرتيش كويس وسلمتى ودنك لشر السوشيال ميديا عشان كان تعليق كلامهم فارغ، نسوكي إنك عرفتيني وأنا مشهور ودي طبيعة شغلي اللي عرفتيني عليها وحبتيني بيها، إزاي وصلوكي للزعل والبعد فترة.. المهم أنا مش هزعل منك ولا يرضيني زعلك إنتي حبيبتي وأم ولادي.. أنا ضهرك وسندك مهما حصل، بس اللى عايز أقوله لعل نكون سبب خير في توعية ناس كتير".

وتابع تامر حسنى: "ليه لما أي حد بيزعل من حد بيطلع يكتب عليه في السوشيال ميديا طب حتى يكلمه الأول إيه علاقة الناس بعلاقة شخصية بين اتنين ممكن تتحل في التليفون أو في زيارة رحيمة ما بينهم وياريتها مشكلة أصلا.. ربنا جعل ما بينا مودة ورحمة عشان كدة للأسف إنتي عارفة إن في ناس في طبيعتهم حب خراب البيوت ومش هنخلص منهم بس إنتي اللي هتخلصي من فكرة إنك تسمعيهم".

وأضاف حسنى: "ياريتك تركزي مع طاقة الناس اللي دعولنا ودعوا لولادنا وفعلا أنا بشكر كل الناس والفنانين اللى سعوا في الخير لينا.. وأنا واثق إنك دلوقتي زعلانة انك كتبتي كدة.. هو تصرف متهور منك بس ولا يهمك مش عيب إن الإنسان يغلط ويتعلم وأنا ياما علمتك ولسه هعلمك كان نفسي الكلام ده يكون بينا لكن انتي أشركتي الجمهور الكريم فكام لازم أرد هنا.. وبينا حب عالي وحياة كريمة وأولادنا و بيتنا أغلى ما فيها ربنا يخلينا ليهم ويخليهم لينا يا رب..  متهورة بس بحبك".

فكرة انفصالى عن تامر "مستحيلة" في جمله بحبها اوي من رواية قواعد العشق الأربعون بتقول :
"والقدر اللطيف عندما يُساق لك شخص من أقصى الدنيا نقي لا تعرف كيف إلتقيته ولا متى تحدثت إليه اول مره ، مجرد نعمه صادفتها يومًا وبقيت معك دائمًا" . تامر كان الصدفة دى ولا يمكن يتكرر تانى 💕♥️ pic.twitter.com/8Yn7p5iiSe

— Bassma Boussel🇲🇦 (@bassmaboussel_1) November 15, 2020

وكانت صور مفبركة للنجم تامر حسنى وراء غضب زوجته بسمة بوسيل، وبدأ الخلاف القائم، وسط سعى عدد كبير من أصدقاء الزوجين لإنهائه الآن، حيث يتواجد أصدقاء مشتركون بين تامر وبسمة فى منزل كلاهما، لإنهاء الاختلاف القائم بين الزوجين، والأمور الآن فى طريقها للحل النهائي.