تاريخ النشر: 2021-08-31 | 20:08
تاريخ النشر: 2021-08-31 | 20:08
القاهرة: كشف أحمد البحيري، والد طفل الغربية "زياد" كواليس اختطاف نجله من والدته قبل نجاح قوات الأمن في تحريره، قائلا: "الصدمة كانت صعبة، لقيت مراتي بتصرخ وبتجري ورا العربية ومعرفناش نلحقه".
وأضاف البحيري، خلال مداخلة مع معتز عبد الفتاح مقدم برنامج "تحت الشمس" عبر قناة "الشمس"، "اتصلت بالنجدة، وطمنوني بصراحة، وقالولي زي ما هو ابنك هو ابننا ومتقلقش هنجيبهولك بإذن الله، وفي أقل من 48 ساعة الموضوع خلص وابني رجعلي".
وتابع: "في أثناء اليومين تواصل معايا اللي خطفوا ابني وطلبوا مبلغ مالي وقالوا هنضحي بابنك لو مجبتش الفلوس هنبيعه وفي ناس هتاخده لو أنت مش هتاخده، المنظر والكلام كان يخوف جدا، لحد ما فوجئت باتصال من الشرطة يا أستاذ أحمد ابنك بخير وجه بسلامة وهيسبقك على البيت".
واستكمل: "الخضة اللي حصلت ممكن تقتل أب أو أم، والأجهزة الأمنية في مصر قوية جدا فوق ما تتخيلوا، أنا شوفت قوة استيعاب منهم للموقف كبيرة للغاية، كان عندهم حرص على ابني كأنه ابنهم وكمان ثبات انفعالي كبير".
جميع الحقوق محفوظة لـ أمد للاعلام © 2007 - 2026
